Gibo 'di magiging independent

MANILA, Philippines - Walang plano si Defense Secretary Gilberto ‘Gibo’ Teodoro Jr., na tu­makbong independent kaugnay ng nalalapit na 2010 presidential elections sa bansa.

Iginiit kahapon ni Teo­doro na, kung hindi man siya ang mapiling standard bearer ng ruling Lakas-Kampi-CMD, hindi siya tatakbong independent.

Bukod kay Teodoro ay pinagpipilian rin ng ad­ministrasyon sina Vice President Noli De Castro at Metro Manila Development Authority Chairman Bayani Fernando.

Kasabay nito, sinabi ni Teodoro na irerespeto niya ang magiging desis­yon ng Lakas-Kampi-CMD sa pagluluklok ng magiging pambato sa pampanguluhan na ipan­tatapat sa kandidato ng oposisyon.

Nang matanong na­man kung ano ang kani­yang gagawin kapag hindi siya ang napiling standard bearer ng partido ng administrasyon ay sinabi nito na “Titingnan ko kung anong gagawin ko.”

Sa kasalukuyan, ayon kay Teodoro, pinag-uuku­lan muna niya ng pansin ang kaniyang trabaho bilang Defense chief da­hil maraming dapat na ta­pusin sa kaniyang depar­tamento. (Joy Cantos)