Bise hinamon ni Mayor

MANILA, Philippines - Hinamon kahapon ni Pasay City Mayor Wences­ lao “Peewee” Trinidad ang kampo ni Vice Mayor Tony Calixto na magpakita ng pruweba sa malisyosong pagpapakalat ng balita na wala na siyang karapatang tumakbo bilang alkalde sa susunod na halalan.

Nairita si Trinidad sa kampo ni Calixto na uma­no’y may pakana sa pag­papakalat ng kasinunga­lingan laban sa kanya kaya ipinasiyang ipamahagi sa media ang kopya ng reso­lusyon ng Commission on Election na magpapatunay na may karapatan pa siyang tumakbo bilang alkalde sa 2010 election.

Sinabi ni Trinidad na ba­gaman ayaw na sana niyang patulan ang ma­ agang pamumulitika ng kampo ni Calixto dahil ti­nututukan niya ang pagtu­long sa mga mahihirap na residente na lubhang na­apektuhan ng krisis pana­na­lapi ng bansa, hindi niya ma­papalagpas ang ipinakaka­lat na paninira laban sa kanya na nakaka­sagabal sa pagsu­long ng ka­­buhayan sa mga Pasaye­nos.

Sa reso­lusyon ng Co­ melec noong Disyembre 11, 2008, naka­saad na dahil naputol ang kanyang paninilbihan bilang alkalde, may karapa­tan pa si Trini­dad na muling tumakbo sa 2010 at 2013 election.