MANILA, Philippines - Inamin kahapon ni Que zon Congressman Danilo Suarez na siya ang nagbayad ng mga kinain ng gru-po ni Pangulong Gloria Arroyo sa isang restawran sa Washington D.C. kasabay ng pagbisita ng huli sa Amerika kamakailan.
Sinabi ni Suarez sa isang panayam na siya ang gumastos sa steaks, lobsters at iba pang kinain ng grupo ni Arroyo sa Bobby Vans Steakhouse na unang napaulat na umabot sa halagang $15,000. Pinabulaanan ng mambabatas na umabot sa naturang halaga ang kanyang binayaran.
Ang nasabing okasyon ay bukod pa sa hapunan ng grupo ng Pangulo sa mamahaling Le Cirque res-taurant sa New York na sinasabing ginastusan naman ni Leyte Congress-man Martin Romualdez at umabot sa $20,000 ang binayaran.
Isa naman sa mga kasama ng Pangulo sa Amerika na si Manila Congressman Benny Abante ang nagsabing makatriwan at inaasahan lang na hahandugan ng magarbong hapunan ang isang Pangulo.
Kaugnay nito, hinihingi ni Bayan Muna Partylist Rep. Neri Colmenares at ng iba pang militanteng mambabatas sa Kongre- so na imbestigahan ang dalawang maluhong hapunan sa opisyal na pagbisita ng Pangulo sa Amerika. (Butch Quejada)