'First Couple transparent lang sa SALN' - Remonde

Guagua, Pampanga , Philippines   — Iginiit kahapon ng Mala­cañang na walang irregular sa iniulat na Statement of Assets and Liabilities and Networth nina Pa­ngulong Gloria Macapa­gal-Arroyo at First Gentleman Mike Arroyo.

Ayon kay Press Secretary Cerge Remonde, ipinakita lamang ni Pa­ngulong Arroyo at FG Arroyo ang pagiging transparent sa paghahain ng katotohanan sa kanilang SALN kung saan ay nag­karoon ng pagtaas sa kanilang assets na mula naman sa puhunan sa real estate.

Magugunitang iniulat ng Philippine Center for Investigative Journalism na palaki ng palaki taun-taon ang nakasaad sa SALN ni Pangulong Arroyo at FG Arroyo. (Rudy Andal)