Hospital holiday dinedma

MANILA, Philippines - Dinedma lang ng Department of Health ang banta ng ilang hospital na magwelga bilang protesta laban sa bagong batas na Cheaper Medicine Act na nagbabawas nang 50 porsiyento sa presyo ng ilang pangunahing gamot sa bansa.

Sinabi kahapon ng DOH na tuloy pa rin mula sa Agosto 15 ang pagpa­patupad ng batas at   ma­haharap sa kasong krimi­nal ang mga ospital na hindi kikilala sa naturang batas.

Nagbabala si DOH Secretary Francisco Du­que na maaari ring ba­wiin nila ang accreditation sa Philhealth ng mga lalahok sa hospital holiday.

Hinimok pa ng DOH ang publiko na i-report sa kanilang tanggapan ang mga ospital na hindi mag­papatupad ng 50 kaltas ng mga gamot sa kani­lang botika upang mapa­tawan ng kaukulang pa­rusa.

Minaliit ng Malaca­ñang ang banta ng mga hospital na magsagawa ng welga bilang protesta ng mga ito sa pagpapa­tupad ng Maximum Drug Retail Price.

Sinabi ni Executive Secretary Eduardo Er­mita na ang pagpapa­tupad ng MDRP sa 21 essential me­dicines ay para sa kabuti­han ng nakaka­raming Pi­lipino at dapat itong sundin ng mga os­pital.

Ikinatwiran ng ilang hospital na marami pa silang stock ng gamot na nabili sa mataas na pres­yo kaya malulugi sila kapag binawasan ito ng 50 percent particular ang nakapaloob sa MDRP. (Ludy Bermudo at Rudy Andal)