Del Castillo bagong mahistrado ng SC

MANILA, Philippines - Itinalaga kahapon ni Pangulong Gloria Maca­pagal-Arroyo bilang ba­gong mahistrado ng Korte Suprema si Court of Appeals Associate Justice Mariano del Castillo.

Ayon kay Deputy Presidential Spokesman Anthony Golez, si CA Associate Justice del Castillo ay pinili ni Pangulong Arroyo mula sa 6 na nominee ng Judicial and Bar Council (JBC) upang maging ka­palit ng nagretirong si SC Justice Alicia Austria-Martinez.

Pormal namang na­numpa na kahapon sa ha­ rap ni SC Chief Justice Rey­nato Puno si del Castillo.

Bukod kay del Castro, kabilang sa limang pa­ngalan sa shortlist sina Court of Appeals Associate Justices Martin Villarama at Hakim Abdulwahid, Sandiganbayan Associate Justice Francisco Villaruz, UST Law School Dean Roberto Abad at Atty. Rodolfo Robles.

Sa pagtatalaga ni Mrs. Arroyo kay del Castillo sa SC ay isa na lamang ang natitirang bakante sa High Tribunal sa posisyong ini­wan ng nagretirong si Associate Justice Dante Tinga.

Mayroon na lamang hanggang katapusan ng Agosto si Pangulong Arroyo upang magdesisyon kung sino pa sa natitirang limang pangalan ang kan­yang itatalaga bilang bagong Mahistrado ng Korte Suprema.

Naunang hiniling ng Malacañang sa JBC na dagdagan nito ang listahan ng pamimilian ni Pangu­long Arroyo subalit na­nindigan ang JBC at ibi­nalik ang nasabing listahan sa Palasyo kung saan ay hindi na dinagdagan ang nasa shortlist. (Rudy Andal/Gemma Garcia)