3,500 kawani ng Caloocan nabigyan ng flu vaccine

MANILA, Philippines - Nabakunahan ang may 3,500 kawani ng Caloocan City Government sa kauna-unahan at malawakang influenza immunization program sa unang linggo ng ope­ rasyon nito, iniulat ni Mayor Enrico “Recom” Echiverri.

Ayon kay Echiverri, ang mataas na employee turnout at vaccination rate na 72% ng kabuuang 4,839 empleyado ay magrere­sulta sa higit na mataas na lebel ng protekstyon laban sa influenza para sa mga kawani ng pamahalaang lungsod.

Una rito, naglaan si Mayor Recom, sa pama­ma­gitan ng City Ordinance 457, ng may P1.7 milyon mula sa taunang badyet ng lungsod para pambili ng mga flu vaccine.

Ayon naman kay City Health Officer Dr. Raquel So-Sayo, ang mga nagpa­bakunang empleyado ay protektado laban sa influenza sa loob ng isang taon at kung magkakasakit man ang mga ito ng parehong impeksyon ay hindi na ga­noon kapa­nganib.

Aniya, karaniwang aabot mula P800 hang­gang P1,200 ang gastos sa pagbabakuna kapag gina­wa ito sa ibang mga ospital at klinika.