Witness pa vs Montero lumantad

MANILA, Philippines – Isang labandera na si Mary Grace Arieta Patria ng Gozon Complex, Letre Road, Malabon ang luma­ntad at nagpapatunay na paulit-ulit umanong gina­hasa ni Manuel Montero ang isang anak nitong babae.

Sinabi ni Patria sa affidavit na ibinigay niya sa isang abogadong si Atty. Joel Gondola ng Quezon City na apat na taon siyang nag­lingkod bilang laban­dera ng pa­milya ni Monte-ro kaya alam niya ang pro­blema ng anak nito.

Inilabas ni Patria ang kanyang testimonya nang lumantad si Montero at umamin sa pagkakasang­kot at nalalaman nito sa pag­paslang kay Ruby Rose Jimenez na kapatid ng ak­tres at dating beauty queen na si Rochelle Barra­meda.

Sinabi ni Patria na “Ma­dalas kong naririnig na humahagulhol si Michelle (hindi tunay na pangalan) sa kanyang nanay dahil hindi raw niya makalimutan ang paulit-ulit na pangga­ga­hasa sa kanya ng amang si Montero.”

Sinabi ni Patria na hindi siya nabigla nang mala­man niya ang pagka­ka­sangkot ni Montero sa kaso ni Ruby Rose dahil kaya nitong gumawa ng krimen. (Rudy Andal)