Pulis na nakasibilyan na magdi-display ng baril kakasuhan

MANILA, Philippines – Bawal na ang mga pulis na naka-sibilyan na nagsusukbit ng mga ar­mas sa kanilang mga baywang habang guma­gala saan mang panig ng bansa.

Sa direktiba na ipina­labas kahapon ni Philippine National Police (PNP) Chief Director General Jesus Verzosa., sasam­pahan ng kasong admi­nistratibo ang sinumang pulis na naka-sibilyan na mahuhuling nagsusukbit ng mga armas at tanging mga naka-unipormeng mga awtoridad ang pahi­hintulutan sa bagay na ito.

Ayon kay Verzosa, kung nakasibilyan ang mga pulis ay dapat sa mga handbags o clutchbags na lamang ng mga ito ila­gay ang kanilang mga armas sa halip na idis­play pa sa publiko.

Makakabuti rin ito upang hindi maagawan ng baril ang mga pulis habang nakasibilyang gumagala.

Samantala, ang mga sibilyan naman na mahu­huling nakasukbit ang mga baril ay tatanggalan ng lisensya alinsunod sa prohibisyon ng Permit to Carry Firearms Outside Residence. (Joy Cantos)