2 Pinoy nagbigti sa Saudi

MANILA, Philippines – Kapwa natagpuang nakabigti ang dalawang overseas Filipino wor­ker sa magkahiwalay na in­si­dente at lugar sa Saudi Arabia.

Sa tinanggap na ulat ng Department of Foreign Affairs (DFA) mula sa Em­bahada ng Pilipi­nas sa Saudi Arabia, kini­lala ang mga ito na sina Silviana Bacera, 47, tu­bong Zam­boa­nga del Sur at Jun Breguer­­ra, 30, isang technician at tubong Ba­liuag, Bu­lacan.

Sa paunang imbesti­gasyon ng Saudi Police, si Bacera na isang domestic helper ay na­dis­kubre ng employer nito na naka­bitin gamit ang nylon cord na ipinu­lupot sa kanyang leeg sa kusina ng pinag-li­lingkurang bahay sa Dam­mam.

Samantala, patay na rin nang makita ang OFW na si Breguerra sa loob ng kanyang pa­hingahan matapos uma­­nong bigtiin ang sarili sa Al Khobar.

Wala pang iniuulat na motibo sa pagpa­pa­tiwa­kal ni Bacera ha­bang ma­tinding depres­yon umano ang posi­bleng motibo ni Bregue­r­ra sa pagpapa­kamatay dahil sa hindi bi­nanggit na problema.

Nakikipag-ugnayan na ang mga opisyales ng Embahada ng Pilipi­nas sa Saudi authorities upang alamin kung may “foul play” sa na­turang magkasunod na sus­pec­­­ted suicide incient.