Presidential candidates dapat 3 lang - PPCRV

MANILA, Philippines - Dapat umanong limita­han lang sa tatlo ang mga presidential candidates sa nalalapit na 2010 national and local elections upang maging mas madali para sa publiko ang makapamili ng karapat-dapat na kandi­dato na iluluklok bilang pa­ngulo ng Pilipinas.

Ayon sa poll watchdog na Parish Pastoral Council for Responsible Voting (PPCRV), kung kaunti ang bilang ng mga tatakbo sa pagka-Pangulo, mas ma­taas ang tsansang maka­paghalal ng nararapat na kandidato.

Ayon kay Chairperson Henrietta de Villa, sa pa­mamagitan aniya nito, mas magiging madali sa publiko na kilatisin ang kanilang mga plataporma sa Gob­yerno at maiiwasan din umano ang pagkalito ng mga botante.

Dahil dito, umaasa si de Villa na totoo ang mga na­pabalitang ilan sa mga ma­ugong na tatakbo sa pagka-Pangulo ay magde­desisyon nang magback-out.

Nagtataka si de Villa kung bakit marami ang nais na kumandidato sa pagka-Pangulo ng bansa gayong ito ang pinaka­magastos na takbuhing posisyon sa kasagsagan ng kampanya.

Mahirap din aniya na maging independent candidate kung ang pagka-Pa­ngulo ang tatakbuhin dahil sa laki ng kailangang ilabas na pera. (Mer Layson)