Petisyon vs constituent assembly ibinasura ng Supreme Court

MANILA, Philippines – Ibinasura ng Korte Su­prema ang petition ng da­lawang abogado na nais pumatay sa House Resolution 1109 upang magka­isa ang mga kon­gresista sa pagsusulong ng Constituent Assembly kahit na hindi aprubahan ng Senado.

Sa ipinalabas na en banc resolution ng Supreme Court, maituturing ani­yang premature at ku­lang pa sa elemento para ito’y ikonsidera ng korte.

Una ng sinabi sa petition nina Atty. Oliver Lo­zano at anak nitong si Atty. Eva­neline Lozano na ang HR 1109 ay paraan lamang ng Kongreso para mapalawig pa ang ter­mino ni Pangu­long Arroyo ng lagpas pa hanggang 2010.

Maitutu­ring din ani­lang peke at labag sa kons­titusyon ang HR 1109 lalo pa at kulang ito sa masusing pagsisi­yasat at talakayan ng Kon­greso at Senado. Tiyak na inilili­pat lang umano ng gob­yerno ang atensiyon ng publiko sa Con Ass para mapalayo sa usapin ng krisis pang-ekonomiya at iba pang problema nito.

Kasabay nito, naghain din agad ng motion for reconsideration ang mag-amang Lozano sa SC kung saan iginiit na maa­aring maging peligroso kung matutuloy ang con-ass dahil magdudulot ito ng malaking epekto at paghina sa ekonomiya ng bansa tulad ng unang sinabi nina Socio economic planning secretary Ralph Recto at Bangko sentral ng Pilipinas Gov. Amando Tetangco. (Gemma Amargo-Garcia)