Mancao babasahan ng demanda

MANILA, Philippines – Takdang basahan ng demanda ngayong Miyer­kules sa Manila Regional Trial Court Branch 18 si dating Police Senior Superintendent Cesar Man­cao na kabilang sa isinang­kot sa kasong pagpaslang sa publicist na si Salvador Dacer at sa driver nitong si Emma­ nuel Corbito.

Tiniyak ng National Bureau of Investigation na iha­harap nila sa korte si Man­cao na inaasahang ma­giging testigo rin ng pama­halaan laban sa ilang per­so­nalidad na sangkot sa kaso.

Sinabi rin ni NBI Regional Director Ric Diaz na susunduin ng kanilang mga ahente sa Ninoy Aquino International Airport at sasa­ mahan sa pagdalaw kay Mancao ang asawa nitong si Maricar at apat na anak na takdang dumating nga­yon sa bansa mula sa United States.

Kasabay nito, sinabi ni Department of Justice Secretary Agnes Devanadera na haharangin nila ang isang mosyon na humihi­ling na ilipat sa Manila City Jail si Mancao.

Gumawa ng naturang kahilingan ang ilang aku­sado sa Dacer-Corbito murder na walong taon nang nakakulong sa MCJ.

Pero sinabi ni Devana­dera na mayroong seryo­song banta sa buhay ni Mancao kaya kailangang manatili ito sa panganga­laga ng NBI.

Nilinaw din ng kalihim, na bagaman may ilang luho si Mancao sa NBI, nakaku­long pa rin ito at mayroong mga limitasyon. (Gemma Garcia at Ludy Bermudo)