Senado napasok ng swine flu?

MANILA, Philippines - Nabiktima kahapon ng swine flu scare ang isang 38-taong gulang na em­pleyada ng Senado mata­pos mapaghinalaang may AH1N1 virus dahil nangga­ling ito sa Amerika.

Napilitan ang biktima na kumuha ng sertipikas­yon mula sa San Lazaro Hospital na magpapatunay na wala siyang AH1N1 virus matapos kumalat ang tsis­ mis na nagtataglay siya ng nasabing sakit.

Kasama si Dr. Mariano Blancia, medical director ng Senado, personal na nag­tungo sa media office ng Senado ang biktima na tumangging magpabanggit ng pangalan matapos ma­kakuha ng sertipikasyon mula sa San Lazaro Hospital.

Ayon sa biktima, nag­tungo siya sa clinic ng Senado kahapon ng ha­pon upang magpakuha ng temperature dahil may mga nagsasabing may­roon siyang AH1N1 virus dahil nanggaling siya ng Amerika.

Ayon pa sa biktima, 36.5 ang kanyang temperature at sumakit la­mang ang kan­yang dibdib dahil sa mga nagpapakalat ng tsismis na pinagmulan ng swine flu scare sa Senado.

Sinabi pa ng biktima na hinahanap niya ang nag­pakalat ng tsismis upang maidemanda niya ito.

Nagbiro naman si Blan­cia na posibleng hindi nabigyan ng pasalubong ang nagpakalat na may AH1N1 ang empleyada.

Matatandaan na unang pinaghinalaan na may AH1N1 si Senator Jamby Madrigal kaya hindi natu­loy ang ikalawang hearing ng Committee of the Whole na dumidinig sa C-5 road project. (Malou Escudero)