Pinay tumalon sa gusali sa Saudi

MANILA, Philippines – Sugatan ang isang Pi­nay domestic helper mata­pos na tumalon sa isang tat­ long palapag na gusali sa Yan­bu, Saudi Arabia, sa pag­nanais na matakasan ang umano’y abusado nitong amo.

Kinilala ng Department of Foreign Affairs ang Pinay na si Guiyania Kasan, 29, at tubong Cotabato City. Ka­salukuyan itong naka-confine sa hindi tinukoy na pa­gamutan sa Yanbu, ma­ta­pos na mabalian ng buto sa paa at sa likod dahil sa pagtalon sa gusali.

Sa reklamo ni Kasan, madalas umano siyang sak­tan ng kanyang mga amo at hindi pinapakain kaya tuma­kas siya sa pa­mamagitan ng pagtalon sa gusali.

Yakap-yakap umano ni Kasan sa kanyang pagta­lon ang isang plastic bag na nag­lalaman ng11,000 Saudi Riyals o may P150,000.

Anya, ang naturang pera ay ibinigay sa kanya ng kanyang among lalaki bi­lang sweldo, ngunit hindi pa aniya ito ang kanyang ka­buuang sahod.

Inaaku­sa­han din ng kanyang mga amo si Kasan na nagnakaw ng alahas mula sa kanila, na mariin naman nitong pi­na­bula­anan.

Sabi ni Kasan, ibinigay sa kanya ng kanyang among babae ang natu­rang kuwintas ngunit nga­yon ay pinapalabas ng mga ito na ninakaw niya iyon.

Nakaabot na rin umano sa Philippine Consulate ang kalagayan ni Kasan at ang mga ito na umano ang ba­halang makipag-ugna­yan sa mga awtoridad upang mabigyan ng hus­tisya ang sinapit ng Pinay. (Mer Layson)