MANILA, Philippines – Mahalaga at malaki ang tulong sa pagkakaloob ng mahusay na serbisyo sa pamahalaan ang operasyon ng Stradcom Corporation na siyang information technology provider ng Land Transportation Office.
Ito ang lumabas sa ginawang pagbusisi ng House of Representatives Committee on Good Government makaraang igisa nito ang mga opisyal ng LTO, Commission on Audit, NEDA at Stradcom.
Sinabi ni LTO Chief Arturo Lomibao na mahalaga, kailangan at bentahe sa pamahalaan ang kontrata ng ahensya sa Stadcom. Pinatunayan ito ng mga kinatawan ng Commission on Audit na nagdeklarang malaki ang tulong ng ugnayan ng LTO at ng Stradcom sa pagbibigay ng mahusay na serbisyo sa publiko tulad ng pagrerehistro ng mga sasakyan at pagkakaloob ng drivers license dahil interconnected ang LTO sa buong bansa at tumatalima din ito sa sinasaad ng Clean Air Act at Crime Prevention. (Angie dela Cruz)