9 Pinoy sa Nigeria na-rescue

MANILA, Philippines - Nailigtas ng mga Nigerian military ang may 13 hostage, na kinabibi­langan ng siyam na Pinoy at apat na Nigerian, mula sa kamay ng mga mili­tante sa Niger Delta.

Sa ulat na nakarating sa tanggapan ng Department of Foreign Affairs (DFA), unang na­iligtas at napalaya ang 10 bihag, kabilang ang anim na Pinoy at apat na Nigerian noong Biyer­nes na ki­nidnap mula sa oil industry service ship na MV Spirit, kasunod na rin ng crossfire sa pagitan ng mga militante at ng mga government troops.

Gayunman, ibinalita kahapon ni Army spokes­man, Col. Rabe Abu­ba­kar, na tatlo pang Pinoy ang kanilang na­bawi mula sa mga militante sa Niger Delta.

Magugunita na nitong Miyerkules ay magka­sunod na hinayjack ng mga armadong kalalaki­han ang MV Spirit sakay ang 15 crew kabilang ang 6 na Pinoy sa karagatang sakop ng Gbaramatu ng Nigeria’s Delta State at ang MT Chikana na na­sabat sa Warri Delta Port.

Sa ginawang rescue operations, isang Pinoy seamen ang minalas na masawi nang mahagip ng ligaw na bala noong Biyernes nang magka­roon ng sagupaan sa pagitan ng militante at mga militar.

Hanggang sa kasa­lu­­kuyan ay hindi pa umano na­kukuha ang impor­mas­­yon hinggil sa pagka­ka­kilanlan ng bik­tima. (Mer Layson/Ellen Fernando)