P10-M mansion ni Commander Kato nabisto

CEBU, Philippines – Nabulgar ang ipina­patayong P10 milyong halaga ng mansion ng wanted na si Moro Isla­mic Liberation Front (MILF) renegade Commander Ameril Umbra Kato mata­pos makubkob ng tropa ng pamahalaan ang satellite camp ng grupo sa raid ng Brgy. Pagada, Ta­litay, Maguindanao ka­ma­kalawa.

Ayon kay Army’s 6th Infantry Division (ID) Spokesman Lt. Col. Jo­na­than Ponce, bandang 12:45 ng tanghali nang salaka­yin ng pinagsanib na ele­mento ng 46th Infantry Battalion (IB) at 6th IB ang satellite camp ng Lawless Muslim Group (LMG) na pinamumu­nu­an ni Kato.

Si Kato ay may pa­tong sa ulo na P10M ka­ug­nay ng kasong multiple murder at frustrated   mur­der, arson, robbery in band at iba pa kaugnay ng ma­dugong pag-atake sa North Cotabato noong Agosto 2008.

“The camp is utilized as forward and perimeter defense to a nearby mansion and rest house owned by Commander Ameril Umbra Kato, the unfi-nished mansion is worth P10M,“ ani Ponce.

“The leaders of the MILF live in lavish and extravagant way while their followers and their families remain poor as they are with no adequate food and medicines to sustain their living”, ang sabi pa ng opisyal.

Ayon kay Ponce ma­bilis na nagsitakas ang grupo ni Umbra Kato sa takot na malagas sa tro­pa ng gobyerno mata­pos ang may 15 minu­tong pa­litan ng putok.

Narekober rin sa lugar ang sari-saring mga do­ku­mento, uniporme at mga kagamitang pandig­ma ng MILF renegades. (Joy Cantos)