38 OFWs namamalimos sa Qatar!
MANILA, Philippines – May 38 OFWs ang nagmistulang mga pulubi matapos na mamalimos sa lansangan sa Qatar.
Sa report na tinanggap ng Overseas Workers Welfare Administration (OWWA), ang 38 OFWs ay pawang biktima ng panloloko ng isang recruitment agency sa Pilipinas.
Ayon sa OWWA, namamalimos na lamang sa lansangan ang mga OFWs dahil sa kakapusan ng makakain kabilang na dito ang Pinoy worker na nakilalang si Nelson Ebreo.
Nagsampa na ng kaso sa Labor Court ng Qatar noong Marso ang mga OFWs na kasalukuyang kinukupkop ng Welfare Office na nakabase sa Qatar at Embahada ng Pilipinas laban sa kanilang recruitment agency at hiwalay din na kaso sa kanilang employer.
Kasunod nito, magsasagawa ng imbestigasyon ang OWWA sa Pasay City laban sa SML Human Resource Inc., ang recruitment agency na umano’y nanloko sa 38 OFWs. (Ellen Fernando)
- Latest
- Trending
