Kaso ng ZTE-NBN, di pa tapos - JDV

MANILA, Philippines - Tiniyak ni Jose de Vene­cia III na hindi pa tapos ang kaso ng NBN-ZTE at wa­lang puwang ang anumang mga haka-haka dahil may pagdinig pa tungkol dito.

Bagama’t sinasabi ni Senate Minority Leader Aquilino Pimentel na sa­rado na ang kaso, hindi na­man ito sinang-ayunan ni Se­nator Alan Peter Caye­tano dahil hindi humarap si Ruben Reyes sa Blue Ribbon Committee na sina­sabing “bagman” ni dating Comelec Chairman Benjamin Abalos.

Ang negosasyon ng ZTE-NBN ay tinawag na pinakamalaking panlilin­lang, o “scam” sa paga-apru­ba ng mga kontratang kinasa­sangkutan ng pama­halaan.

Isiniwalat ni de Venecia na may koneksyon ang ilang matataas na opisyal ng pamahalaan para sigu­radong makalusot at ma­aprubahan ang ZTE. Pina­tunayan ito ng mga doku­mentong isinumite niya sa Blue Ribbon committee.

Dahil sa mga pagsisi­walat na ito ni de Venecia, napilitan si Pangulong Gloria Arroyo na ibasura ang kontrata ng ZTE tatlong linggo matapos ang imbes­tigasyon ng Blue Ribbon. Nagbitiw naman si Abalos sa panunungkulan sa Co­melec. (Butch Quejada)