Ikakasal na Pinoy patay sa sagasa sa Saudi

MANILA, Philippines - Hindi na matutuloy ang planong pagpapakasal ng isang Pinoy sa kanyang nobya matapos na masawi ito nang aksidenteng ma­bangga ng isang sasakyan na minamaneho ng isang teenager na nagdyo-joyride umano sa Saudi Arabia noong nakaraang linggo.

Sa ulat ni Consul Leo Tito Ausan Jr. na naka­rating sa tanggapan ng Department of Foreign Affairs (DFA), nagdya-jogging ang biktimang si Ryan D. Fajardo sa isang kal­sada sa lungsod ng Taif, nang aksidente itong ma­bangga ng isang kotse dakong 10:00 ng umaga noong Abril 9 (Huwebes).

Naniniwala ang mga kasamahan ni Fajardo na nagdyo-joyride lamang ang suspek nang ma­bangga ang biktima, na pauwi na sana mula sa pagdya-jogging.

Hindi na umano na­iwasan ni Fajardo ang kotse nang pa-zigzag itong sumalubong sa kanila, kaya’t tumilapon pa umano ang katawan ng biktima nang mabangga siya ng sasakyan.

Mabilis naman uma­nong humarurot palayo ang behikulo matapos ang pangyayari ngunit na­aresto rin ang suspek ng mga concerned citizen na humabol dito.

Hindi naman pinanga­lanan ang suspek na lumi­litaw na isang menor de edad, at sinamahan ng kan­yang ama nang huma­rap sa mga awtoridad.

Isinugod sa paga­mu­tan si Fajardo ngunit na­matay din matapos ang dalawang oras dulot ng internal hemorrhage.

Nabatid na nadurog din ang buto sa balakang ng biktima at nabali ang buto nito na nagku-konekta sa kanyang beywang at pelvic bone dahil sa tindi ng impact ng pagkaka­bangga.

Nakatakda na sanang umuwi ng Pilipinas ang biktima upang pakasalan ang kanyang nobya.

Tiniyak naman ni Ausan na tutulungan nila ang pamilya ng biktima na makamit ang hustisya. (Mer Layson)