Militar palapit na sa kuta ng kidnapper ng ICRC staff

MANILA, Philippines - Papalapit na nang pa­lapit ang tropa ng militar na nagkokordon sa pi­nag­tataguan ng mga ban­­ didong Abu Sayyaf na bumibihag sa dalawa pang miyembro ng International Committee of the Red Cross sa Sulu.

Ito ang inihayag kaha­pon ni Sulu Governor Ab­dusakur Tan, pinuno ng ICRC Crisis Management Committee.

Una nang sinabi ni Tan na inaasahang ma­pa­palaya na sa loob ng linggong ito o sa susunod na mga araw ang mga bihag.

Kaugnay naman ng sinasabing paghingi ng $5 milyong ransom ng grupo ni Abu Sayyaf Com­man­der Albader Pa­rad kapalit ng kalayaan nina Swiss national An­dreas Notter at Italian national Eugenio Vagni, sinabi ni Tan na wala sa patakaran ng gobyerno ang magbayad ng ransom .

Ang tropa ng pama­ha­laan sa Sulu ay bina­walan munang magba­kasyon ng Joint Task Force Co­met ngayong Semana Santa sa layu­ning mata­pos muna ang problema sa Sulu hostage crisis .

Ayon kay Tan ang pa­tu­loy na paglapit ng tropa ng militar sa kuta ng mga kidnappers ay naglala­yong palakasin pa ang ‘military pressure’ upang pakawalan na ng mga ito sina Notter at Vagni. (Joy Cantos)