Chip Tsao masuwerte

MANILA, Philippines - Masu­werte ang HK co­lum­nist na si Chip Tsao dahil meron siyang isang ka­tulong sa bahay na isang Pilipina na merong degree sa international politics at graduate sa University of Manila.

Ito ang pasaring ka­hapon ng negosyanteng si Joey de Venecia III kasa­bay ng pagsasabing naka­kausap ni Chip Tsao sa intelihenteng paraan ang katulong nitong pinanga­lanang Louisa na hindi magagawa ng naturang ko­lumnista kung ang ka­tulong nito ay nagmula sa mainland China.

Sinabi ni de Venecia na bagaman may kanya-kan­yang opinyon ang mga manunulat, hindi tamang manlait ng tao ang mga ito at hindi nakakatawang ma­liitin at kutyain ang 130,000 Pilipinong domestic helper sa Hong Kong.

Pinuna rin ni de Ve­necia na walang silbi ang pagba-blacklist ng pa­mahalaan kay Chip Tsao kasunod ng komentaryo nito na isang bansa ng mga alila ang Pilipinas dahil wala namang interes na magtungo rito sa bansa ang naturang mamama­hayag. (Butch Quejada)