Witness sa NAIA 3 may death threat

MANILA, Philippines - Hihingi ng tulong sa Philippine National Police at Integrated Bar of the Philippines ang abogado ng dalawang pangunahing “testigo” ng pamahalaan sa kaso nitong pagkum­piska ng kontrobersyal na Ninoy Aquino International Airport (NAIA) Terminal 3, mula sa  PIATCO at dating kapartner nitong Fraport, matapos silang makatang­gap ng mga pagbabanta sa kanilang buhay. 

Ang mga testigo na sina Engr. Rey Libutan, dating tauhan ng Wintrack Builders, Inc. na kapartner din ng PIATCO, at Dr. Nor­bert Loesch, dating consultant ng PIATCO na nag­mula rin sa Fraport, ay kapwa nagtatago makara­ang makatanggap ng na­ka­­gigimbal na text messages mula sa mga ‘di kila­lang senders kasunod ng kanilang pagtestigo sa ICC at ICSID.

Ayon kay Atty. Jose Bernas, abogado ng mga witness na maging siya ay muntik nang mapatay nang pumasok sa tangga­pan nito ang mga arma­dong lalaki na nagpanggap na “media­men” at tinangka umano siyang barilin nang hara­pan. Natakasan la­ mang umano niya ang tangkang pagpatay sa kanya, subalit patuloy aniya ang pagbun­tot-buntot ng mga kahina-hinalang tao.

Naniniwala si Bernas na may isang organisa­dong planong ipinatutupad upang takutin at patahi­mikin ang mga testigo at ang mga nagsampa ng kaso laban sa PIATCO, sa isyu ng NAIA 3. Posible umanong kagagawan ito ng mga taong nasasa­gasaan sa kanilang pakiki­baka para sa katotohonan at patas na pag-iral ng batas. (Ellen Fernando)