Congressman na nagpalimbag ng pekeng pera dapat pangalanan!

MANILA, Philippines - Ipinaalala kahapon ng ilang senador kay Spea­ker Prospero Nograles Jr., na apektado ang ima­he ng buong House of Representatives dahil sa alegasyon na utak sa pagpapa-imprenta ng pekeng pera ang isang kongresista.

Ayon kay Senate Minority Floor Leader Aqui­lino “Nene” Pimentel Jr., dapat aksiyunan agad ni Nogra­les ang nasabing isyu at kilalanin kung sino ang nasabing mamba­batas.

Sinabi ni Pimentel na magiging unfair sa iba pang kongresista mula Visayas region kung hindi ilulutang ng liderato ng Kamara ang mamba­batas na nagpapalimbag ng mga pekeng pera.

Ang nasabing congressman ay kuma­ka­tawan umano sa Samar.

Naniniwala si Pimen­tel na malalagay sa ala­nganin ang reputasyon at integridad ng buong Kon­greso kung hindi kikila­lanin ang congressman.

Sinasabing preparas­yon sa 2010 election ang pagpapa-imprenta ng mga pekeng pera. (Malou Escudero)