Pinayuhan ng Commission on Elections (Comelec) ang mga OFWs na magparehisto muna bago tuluyang umalis ng bansa kung saan ang mga ito ay kabilang sa mga Overseas Absentee Voters (OAV).
Ayon sa Comelec, sa ganitong paraan umano ay hindi na mahihirapan pa ang mga OFWs sa pagpapatala sa mga konsulada ng Pilipinas sa mga bansang kanilang patutunguhan.
Makatitiyak din umano ang mga naturang OFWs na makakaboto na sa nalalapit na May 2010 presidential elections.
Nabatid sa Comelec na maaaring magparehistro ang mga OFWs bilang OAV sa tanggapan ng POEA.
Tatanggap ng aplikasyon para sa OAV registration ang POEA hanggang sa Agosto 31, 2009 lamang.
Kinakailangan lamang ng isang OFW applicant na magdala ng kanyang pasaporte o di kaya’y seaman’s book kung magpapatala. (Doris Franche)