Grand motorcade bumida sa Caloocan

MANILA, Philippines - Bumida ang Caloocan bilang Motorcycle Capital of the Philippines nang pangunahan ni Mayor Enrico “Recom” Echiverri ang mahigit sa 5,000 motorbike rider sa isang Promotional Grand Motor-cade paikot ng lungsod.

Suot ang mga color-coded na uniporme at kasama ang may 50 motorcycle riders mula sa Reformed Department of Public Safety and Traffic Management, ang mga sumali ay hinati sa dala­wang malalaking grupo – ang Southern at Northern group na batay ang pag­kakahati sa dalawang pangunahing land area ng lungsod.

Ani Echiverri, maliban sa pagpo-promote sa eko­nomiya ng siyudad, layon din nitong pataasin ang kamalayan ng publiko hing­gil sa tama at ligtas na paggamit ng motorsiklo.

Tiwala naman si RDP­STM chief Alfonso Sta. Maria na ang naturang parada ay lilikha ng record bilang pinakamarami, pi­nakamahaba at pinaka-well organize na motorcade ng mga motorsiklo   sa lungsod. Ani Sta. Maria, ang grand motorcade ay isa sa mga pangunahing tampok ng isang buwang selebrasyon ng ika-47 cityhood ng lungsod.