P6.9 milyong cash advance ibabalik na ni dela Paz

MANILA, Philippines - Nangako kahapon si dating Philippine National Police Comptroller ret. Police Director Eliseo de la Paz na maibabalik na niya sa account ng PNP ang P6.9 M cash advance o katumbas na 105,000 Euros na nasamsam rito sa Russia noong Oktubre ng nagdaang taon.      

Ayon kay dela Paz, pinakahuling naging problema nila sa pag­lilipat ng pera ang pag­pasok ng tax revenue department ng Russia.     

Sinabi ng retira­dong heneral na pina­ta­wan sila ng halos 37 porsyentong buwis sa naturang pera na nasa bank account ngayon ng kanyang Russian lawyer na si Alex Benit­skiy.     

Matapos anyang ma­ilipat ang pera sa account ni Benitskiy, na­hirapan silang humanap ng bangko sa Pilipinas na tatanggap ng natu­rang halaga bago ilipat sa account ng PNP.      Gayunman, naresolba ito sa pamamagitan ng unti-unti na lamang sanang paglilipat ng naturang halaga sa local account sa Pilipinas bago tuluyang ibalik sa account ng PNP. (Joy Cantos)