Pagtatalaga ng Muslim Associate Justice makakatulong sa peace and order sa Mindanao

MANILA, Philippines - Hinimok ni Anak Min­da­nao party-list Rep. Mujiv Hataman ang Judicial and Bar Council (JBC) at si Pangulong Arroyo na i-re­komenda at magtalaga ng Muslim Associate Justice dahil may anim na mga Ma­histrado ang magrere­tiro ngayon taon.

Sinabi ni Hataman, wala ni isang Muslim na na­talaga sa kataas-taasan Hukuman sa loob ng 22 taon. Si SC Justice Abdul­wahid Bidin lamang aniya ang natalaga sa puwesto noong 1987 matapos itong italaga ni dating Pangulong Cory Aquino kaya naman nakaupo ito sa Supreme Court at nagkaroon ng repre­sen­tasyon ang mga Muslim noon. 

Ang pagbibigay repre­sentasiyon o pagtalaga sa mga Mahistradong Muslim ay kasama sa 1995 Peace Agreement at Republic Act 6743 o Autonomous Region in Muslim Mindanao law at ang 1976 Tripoli Agreement.

Sabi ni Hataman na ma­kakatulong ng malaki sa peace and order sa Minda­nao kung mag­kakaroon sila ng kinatawan sa SC. (Butch Quejada)