'Pag inalis sila Lantion at Suansing, LTFRB, LTO employees at transport welga!

Nagbanta ang mga empleyado ng Land Transportation Franchising Re­gulatory Board at ng Land Transportation Office, ga­yundin ang ibat ibang transport groups na sila ay magsasagawa ng pagkilos kung aalisin sa puwesto sina LTFRB Chairman Thompson Lantion at LTO Chief Alberto Suan­sing.

Ayon sa mga kawani na ayaw ipabanggit ang mga pangalan, gumagawa sila ng position paper na nag­sasaad ng kanilang pagka-disgusto sa pag-aalis sa puwesto sa nabanggit na mga opisyal para ibigay kay Pangulong Arroyo sa Ma­ lakanyang.

Sa panig ng transport na kinabibilangan ng samahan ng mga bus, taxi at jeep, nagbanta ang mga itong magsasagawa ng protesta at iba pang pag­kilos kung mababago pa ang mamu­muno sa LTFRB at LTO.

Anila, isang taon na lamang ay mawawala na rin sa puwesto ang dala­wang nabanggit na opis­yales matapos ang 2010 elections kaya marapat lamang na maipagpatuloy na lamang ng mga ito ang tungkulin upang hindi pag­hinalaan na isang “political gift” ang po­sibleng pag­punta ni ret Gen. Arturo Lomibao sa LTO.

Hanggang sa kasalu­kuyan ay nananatili sa kanilang mga puwesto ang dalawa dahil wala pa silang papel na nagsasabi ng kanilang paglipat sa ibang puwesto.

Unang napaulat na si Lo­mibao ang bagong LTO Chief, si Suansing ang bagong LTFRB chief at si Lantion ay magiging DOTC Undersecretary for Maritime Affairs. (Angie dela Cruz)