Payo sa college students: Mag-nursing na lang - GMA

Iginiit kahapon ng Malacañang sa mga college students na mag-shift sa mga practical na kurso para huwag ma­apek­tuhan ng nararana­sang global financial crisis.

Sinabi ni Press Secretary Cerge Remonde, ito ay dahil sa job mismatch kung saan ang mga job openings ay hindi para sa mga kur­ song tinapos ng karamihan sa mga estud­yante.

“Tama na muna ang mga Liberal Arts, there is still great demand for nurses,” wika pa ni Sec. Remonde.

Ipinaliwanag pa ni Re­monde, sa ngayon ay mas makakabuting ku­muha ng kursong may kinalaman sa technology o nursing dahil ito ang mas in-demand sa kasa­lukuyan.

Aniya, ang mga nur­ses ay maraming job opportunities sa United Kingdom, Middle East at Europe bagama’t sinus­pinde ang pagkuha ng nurses sa Estados Uni­dos.

Idinagdag pa ni Re­monde, nais solusyunan ng pamahalaan ang job mismatch kung saan ay may mga ipinapatupad na programa ang Department of Labor and Employment gayundin ang Overseas Workers Welfare Administration.

Wika pa nito, may comprehensive livelihood and emergency employment program ang pama­halaan na siyang tumu­tulong sa mga mangga­gawang nawalan ng tra­baho sanhi ng global financial crisis.