Ilang senador ang walang balak na kunin ang kanilang Priority Development Assistance Fund (PDAF) o mas kilala sa tawag na pork barrel para sa taong ito.
Inihayag ni Sen. Mar Roxas na hindi niya muli kukunin ang kanyang P200 milyon pork barrel.
Ang hindi pagkuha ng pork barrel ay nauna nang ginawa ni Sen. Panfilo Lacson simula pa noong 12th Congres.
Sa ngayon si Roxas ang ikatlong incumbent senator na nagsoli ng P200 milyong pork barrel, kahanay nina Sen. Antonio Trillanes IV at Sen. Jamby Madrigal na nagsoli ng tig-P100 milyong nakalaan sa hard project.
Hiniling ni Roxas kay Senate President Juan Ponce Enrile na ibigay ang kanyang PDAF sa Department of Trade and Industry para magamit sa small and micro-lending facilities, upang makalikha ng mas marami pang small and medium businesses na magpapasigla sa ekonomiya. (Malou Escudero)