Hamon kay Puno: 'Moral force' pangunahan

Hinamon kahapon ni dating Negros Oriental Congressman Jacinto “Jing” Paras si Supreme Court Chief Justice Rey­nato Puno na pangunahan ang isinusulong na “moral force” sa halip na ipana­wagan lamang ito sa ma­mamayan.

Ginawa ni Paras ang ha­mon kasunod ng aku­sasyon ng public interest crusader na si Louis Bi­raogo na inuupuan umano ni Puno ang paglalabas ng desisyon sa disqualification case laban kay Rep. Jocelyn Sy Limkaichong.

Sa nakuhang doku­mento ni Biraogo, tanging ang Chief Justice na lamang ang walang lagda sa resolusyon kaya wala aniyang katotohanan ang inihahayag ni Supreme Court Spokesman Atty. Midas Marquez na “draft” lamang ang hawak niyang mga dokumento.

Kaugnay nito’y nana­wa­gan naman si Paras sa oposisyon na huwag ha­luan ng pulitika ang usapin dahil nakatutok lamang ang kanilang reklamo sa isyu ng pagkakabimbin sa pagla­ labas ng promul­gas­yon sa kasong disqualification laban kay Limkai­chong.

Nilinaw naman ng dating kongresista na walang balak ang kanilang kampo na maghain ng impeachment proceedings laban kay Puno at hindi rin niya hinihiling ang pagbibitiw nito sa puwesto, taliwas sa ibinibintang sa kanya ng oposisyon. (Rose Tesoro)