Peralta, bagong Associate Justice

Itinalaga kahapon ni Pangulong Arroyo bilang associate justice ng Korte Suprema si Sandigan­bayan Presiding Justice Diosdado Peralta kapalit ng nagretirong si Associate Justice Ruben Reyes.

Nagretiro si Justice Reyes bilang associate justice ng Supreme Court nitong Enero 3 matapos nitong maabot ang mandatory age na 70.

Si Justice Peralta ay isa sa 3 justices ng San­diganbayan Special Division na lumitis at nag-convict kay dating Pa­ngulong Joseph Estrada sa plunder case nito.

Si Peralta rin ang kauna-unahang ponente sa conviction ng plunder case noong 2001 sa kaso ng isang kahera na si Dominga Manalili, na nahatulan ng 2 ulit na life sentence sa paglustay ng pondo ng Bureau of Internal Revenue.

May anim pang itata­lagang mahistrado si Pangulong Arroyo sa Korte Suprema bunsod ng mag­kakasunod na pagreretiro nina Associate Justices Adolf Azcuna sa Pebrero 16, Dante Tinga sa Mayo 11, Con­suelo Ynares-Santiago sa Oktubre 5, Leonardo Qui­sumbing sa Nobyembre 6, Ma. Alicia Austria Marti­nez sa Dis. 1 at sa Dis. 5 naman si Mi­­­ nita Chico-Nazario. (Rudy Andal/Ludy Bermudo)