NAIA alerto sa pagdagsa ng pasahero

Nasa heightened alert ang apat na pangunahing paliparan sa bansa dahil sa inaasahang pagdagsa ng libu-libong pasahero ngayong kapaskuhan.

Sinabi ni Manila International Airport Authority Asst. General Manager for Security and Emergency Services ret. General Angel Atutubo, mas pinaigting pa ngayon ang seguridad sa NAIA 1, NAIA Centennial Terminal 2, NAIA 3 at Manila Domestic airport upang matiyak ang kaligtasan ng mga pasaherong nagda­datingan mula sa iba’t ibang panig ng mundo kabilang na ang libu-libong OFWs.

Nagdagdag na rin ng airport personnel sa arrival at departure areas upang masiguro na ma­giging maayos at mabilis ang daloy ng mga pa­sa­hero palabas at papasok sa paliparan.

Muling pinaalalaha­nan ni MIAA General Ma­nager Al Cusi na hindi pinapayagan na magliban ang mga airport personnel na nasa kritikal na assignment sa araw ng holidays kabilang na ang Pasko at Bagong Taon para matiyak na magiging maayos ang serbisyo ng NAIA sa mga pasahero.

Binalaan naman ni Cusi ang mga airport personnel na mahigpit pa ring ipinagbabawal ang pagbabanggit at o pagbati ng “Merry Christmas” sa mga dumarating na pa­sahero upang maiwasan na makahingi o maka­pangikil sa mga ito. (Ellen Fernando)