B-day wish ni Pacquiao: Blessings sa ibang tao

General Santos City - Walang wish para sa kan­yang sa­rili ang Peoples Champ na si Manny Pacquiao na nag­diwang ng kanyang 30th birthday kamakalawa bag­kus ang ka­hilingan nito ay magkaroon din ng blessings ang ibang tao.

Sinabi ni Pacquiao na todo-todo ang kanyang pa­sasa­lamat sa Panginoon dahil nakamit niya ang kan­yang panga­rap sa buhay dahil sa palagi niyang pag­da­rasal sa Pangi­noon.

Wika pa ni Manny sa kanyang kaarawan na ginanap sa KCC convention center na sana ay maging madasalin din ang lahat ng Filipino.

Ang kahilingan din ni Pacquiao sa kanyang kaarawan ay sana maging daan siya ng Panginoon upang makatulong siya sa mga nangangailangan kahit hindi man sa lahat ng tao. Pinasalamatan din ni Manny si Pangulong Arroyo sa pagdalo sa kanyang birthday.

Sinabi pa ni Manny, sana ay tularan din ng iba pang Filipino si Pangulong Arroyo sa pagiging ma­dasalin at malapit sa Panginoon upang makamit na ng bansa ang tunay na tagumpay at pagkakaisa. (Rudy Andal)