Reyes supalpal uli sa CA

Hindi na naman nakalusot sa makapangyarihang Commission on Appointments (CA) si Energy Secretary Angelo Reyes na anim na beses nang nabigo ang kumpirmasyon. Katulad ni Reyes, nakabitin pa rin ang kumpirmasyon ni Commissioner Leonardo Leonida, ang pinakahuling appointment ni Pangulong Arroyo sa Co­melec. Hindi naman nagtakda ang Senado kung kailan ipapatawag muli si Reyes, bagaman’t ayon sa isang source posibleng sa Enero 2009 na ito pabalikin.

Ayon sa isang source, inaasahang gigisahin ng mga senador si Reyes dahil sa pabarya-baryang pagbaba sa presyo ng mga produktong petrolyo gayong napa­kalaki na ang ibinaba ng presyo nito sa world market.

Kukuwestiyunin din umano si Reyes hinggil sa ipina­labas na injunction ng Makati court na nag-uutos ng rerouting ng isang critical transmission facility sa may Dasmariñas Village sa Makati City na posibleng mag­resulta sa pagtaas ng presyo ng kuryente. (Malou Escudero)