Palasyo kinatigan ng CA sa Erap film

Kinatigan kamaka­ilan ng Court of Appeals ang naunang desisyon ng Office of the President na nag­bibigay ng apat na kon­disyon sa producer ng pelikula ni dating Pa­ngulong Joseph Estra­da bago ito payagang ipalabas sa publiko.

Kaugnay nito, dinis­mis ng CA ang petis­yon ng Publikasia at sina­bing hindi naman absolute ang karapa­tan sa pama­mahayag.

“Ang Mabuhay Para sa Masa” ay bio flick ni Estrada kung saan una nang binago ng OP ang resolusyon na ini­syu ng Movie Television Review and Classification Board na nagbabawal sa pag­pa­palabas nito dahil sa libelous umano ang ilang eksena dito na hindi ma­aring tala­kayin saanman mali­ban lang sa korte.

Kabilang sa mga nais ng OP na sundin ng producer ng nasa­bing peli­kula upang maipa­labas ito sa pub­liko ay (1) da­pat itong ipalabas mata­pos na maresolba with fi­nality ang kaso ni Estra­da sa Sandigan­bayan (2) ka­hit na pinal nang nare­solba ang kaso ni Es­trada sa San­diganba­yan, maari la­mang itong ipalabas subalit dapat na burahin ang usaping sub-judice; (3) Kaila­ngang isama at kilalanin ang resulta ng desisyon ng Korte Su­prema tung­kol sa Estra­da vs Arroyo sa legali­dad ng pagsa­sa­lin ng ka­pangyarihan sa na­sa­bing pelikula; at (4) dapat balansehin ang pelikula sa pama­ma­gi­tan ng pagbibigay ng pa­nig sa mga taong si­na­sangkot dito. (Gemma Amargo-Garcia)