'Runner' ni Jocjoc nagkasakit na rin

Katulad ng mga opis­yal ng gobyerno na nag­ka­kasakit kapag iimbes­tiga­han, hindi rin naka­harap sa pagdinig kaha­pon ng Se­nado si Mari­tess Aytona, ang ‘runner’ umano ni Bo­lante sa P728 milyong fertilizer fund scam.

Ayon kay Sen. Richard Gordon, si Aytona ay naka-confine sa Philippine Heart Center dahil nagkaprob­lema siya sa kanyang blood pressure.

Kinumpirma rin ni Gordon na nakausap niya si Aytona at may kasama itong abogado sa isang hindi binanggit na lugar bago ma-confine sa os­pital.

Iinimbitahan ng Sena­do si Aytona matapos itu­rong “runner” umano ni Bolante na nagpanukala ng 30-30-40 hatian kung saan 30 porsiyento ang mapupunta sa mga congressman, 30% kay Bo­lante at 40% ang pambili ng fertilizer.

Ayon kay Gordon, tini­yak niya ang kaligtasan nito sa sandaling humarap sa Senado.

Sa pagpapatuloy ng pagdinig kahapon, idiniin si Bolante ni Dennis Araullo, dating executive director ng Region IV-A ng Department of Agriculture dahil ito umano ang nag-approved ng P40 milyon halaga ng farm inputs at implements sa kaniyang rehiyon.

Nang tanungin ni Sen. Mar Roxas kung magkano ang nakuhang parte ng Region IV-A sa P728M fertilizer fund, sinabi nito na, “As per record, all in all, P40 million,” sabi ni Araullo.

Si Ibarra Trinidad Poli­quit, dating chief of staff ni Bolante ang nagpadala ng sulat kay Araullo kaugnay sa pondo para sa Region IV-A.

Dahil hindi naman uma­no humiling ng pondo ang tanggapan ni Araullo, iki­ nonsidera niyang “special project” ang dumating sa kanila.

Samantala, tumanggi naman ang mga opisyal ng bangko na kumpirmahin ang mga sinasabing account ni Bolante at isinang­kalan nila ang bank secrecy law. (Malou Escudero)