Siniguro sa publiko ng Board of Nursing (BON) na walang magaganap na leakage para sa darating Nursing Board Licensure exam.
Binigay ni BON Chairperson Carmencita Abaquin at miyembro nitong si Marco Sto.Tomas ang kasiguruhan matapos na kumalat sa text messages na mayroon umanong mga review center ang may hawak na leakage para sa November 29 at 30 Nursing Board exam.
Base sa kumalat na text, kabilang sa mga review center na mayroong leakage ang Baguio ,Cebu at Surigao at ang dating Professional Regulator Commission (PRC) member ang nagbigay ng kasiguruhan para sa leakage.
Sinabi naman ni Sto. Tomas na ginagawa na nila ang lahat upang masiguro na ligtas at may kredibilidad ang magaganap na licensure exam.
Aabot sa 88,750 ang nursing graduates na kukuha ng second licensure examination sa Nobyembre 29 at 30 kung saan ito ang pinakamaring examinees sa kasaysayan ng PRC. (Gemma Garcia)