BI napigil ang tangkang human trafficking sa Clark

Napigil ng mga opera­tiba ng Bureau of Immigration (BI) sa Diosdado Ma­ capagal International Airport ang pag-alis ng bansa ng 20 undocumented overseas Filipino workers at kanilang recruiter patu­ngong Malaysia.

Ipinabatid ni Immigration Commissioner Marce­lino Libanan na naharang ng BI ang umano’y recruiter na si Lito Caran­dang at kanyang mga ka­sama bago sila maka­ sakay sa kanilang flight patungong Kuala Lumpur noong Nov. 2.

Ayon kay Libanan, sinabi ng mga undocumented OFW na sila’y tutungo sa Malaysia para sa isang seminar na ini­latag ng isang kompanya na balak kumuha sa kanila sa Saudi Arabia.

Ngunit wala silang ma­ipakitang employment permit mula sa Philippine Over­­seas Employment Administration (POEA), kaya pinigil ng BI ang ka­nilang pag-alis.

“This was another futile attempt by a human trafficking syndicate to facilitate the departure of undocumented workers. Thanks to the vigilance of our immigration officers in Clark, the syndicate’s ploy did not work,” wika ni Libanan. (Ludy Bermudo)