P8 pasahe sa jeep simula na ngayon

Bunsod ng pagkaka­gulo sa pagbibigay ng bawas pasahe sa mga pampasaherong sasak­ yan, nilinaw ni Land Transportation Franchising Regulatory Board (LTF­RB) na ngayong Biyernes ay dapat na magbigay na ng 50 sentimos rollback ang mga pampasaherong jeep.

Noong Miyerkoles, epek­tibo na ang naturang fare rollback matapos iutos ni LTFRB Chairman Thomp­­son Lantion, pero tanging ang jeepney group lamang na Pasang Masda ang agad sumu­nod ha­bang nakiusap naman ang iba na nga­yong Biyernes na lamang ipatutupad tulad ng Piston, Fejodap, Alto­dap at Mjoda.

Sa mga pampasa­he­rong bus, epektibo sa Lunes Nob. 10 ang fare rollback. Sa ordinary bus sa Metro Manila at mga lala­wigan ay P9.50 mula sa dating P10 minimum fare.

Sa aircon bus sa MM at mga lalawigan ay P11 sa unang 4 na kilometro mula sa dating P12.

Nilinaw naman ni Lan­tion na hindi pa maaalis ang P10 add on sa taxi dahil wala pang nagpepe­tisyon para maibaba ito.

Nananatili namang P2.00 per kilometer ang bayad sa AUVs tulad ng GT Express, FX taxi, vehicle for hire at kahalintulad na sa­sakyan. (Angie dela Cruz)