Villar at Lacson pagbabatiin ni Erap

Susubukan ni dating Pangulong Joseph “Erap” Estrada na mamagitan upang magkabati na sina Senate President Manuel Villar at Sen. Panfilo Lac­son para sa pagkakaisa ng oposisyon sa darating na 2010 presidential elections.

Sa isang panayam kay Estrada kahapon, kaka­usa­pin umano nito ang dala­wang nagbaba­nga­yang senador at na­nini­wala uma­no siya na mag­ka­karoon ng isang matibay na presidential candidate ang opo­sisyon na lalaban ng sa­bayan sa kan­didato ng adminis­tras­yon sa nalalapit na elek­syon.

Subalit dagdag pa ng dating pangulo na hindi niya mamadaliing kausa­pin ang dalawa at kina­kailangan munang pare­hong luma­mig ang ulo ng mga ito bago siya mag­takda kung kailan niya ito kakausapin.

“I have not given up. Perhaps we will know everything a year before the elections itself or after December siguro. Ha­yaan na muna natin na mag­ka­singawan ng sama ng loob, pagkatapos ka­kausapin ko sila,” paha­yag ni Erap.

Matatandaang nagsi­mula ang bangayan ng dalawang senador mata­pos na ibunyag ni Lacson ang umano’y double insertion sa budget ng C-5 extension project ni Villar.

Dahil sa isyu ay nahati ang oposisyon kung saan kumampi sina Sen. Allan Peter Cayetano at administration Sen. Joker Arroyo kay Villar habang pumanig naman si Sen. Jamby Madrigal kay Lac­son.

Saad naman ni Erap na malaki ang kanyang pani­ni­­wala niya na maiba­balik ng dalawang dating mag­ka­ibigan (Lacson at Villar) ang dating sama­han mata­pos na maka­usap niya ang mga ito. (Edwin Balasa)