Magtatapon ng basura aarestuhin ng PNP

Aarestuhin na ng pu­lisya ang mga taong magtatapon ng basura sa mga bawal na lugar.

Ayon kay PNP Chief Deputy Director General Jesus Verzosa, pagtutu­unan na rin ng PNP na sa­gi­pin ang kalikasan at maging ang malalaking kumpanya na sumasalaula sa kalikasan sa walang pakundangang pagtata­pon ng kanilang mga basura sa paligid partikular na sa mga ilog at lawa.

“In coordination with DENR (Department of Environment and Natural Resources ) and LGU (Local Government Units ), we will soon be arresting those who violate the environmental laws”, mariing pa­hayag ni Verzosa.

Aniya, malinaw na isang paglabag sa ‘environmental laws’ ang pagta­tapon ng basura sa mga pangunahing lansangan, estero na nagdudulot ng mga pagbaha, ilog, sapa at maging sa mga karagatan kaya’t darakpin na nila ang mga pasaway na indi­bidwal.

Sinabi ni Verzosa na base sa survey, ang ka­likasan ang pang-anim  na concern ng ordinaryong mamamayan. (Joy Cantos)