Caloocan umalerto vs melamine

Matapos muling mag­ labas ang Bureau of Food and Drugs (BFAD) ng lis­tahan ng mga susuriing milk at milk-based products minsan pang inalerto ni Caloocan City Mayor En­rico “Recom” Echiverri ang mga sanitary at market inspectors upang siguruhin na walang magbebenta ng mga naturang produkto sa lungsod.

Ayon kay Echiverri, ba­gama’t nakatakda pa ring suriin ng BFAD ang 52 gatas sa listahan, kusa nang inalis ang mga ito ng mga negosyante at tindero sa mga pamilihan sa lungsod.

Muli namang pinaala­la­ha­nan ni Echiverri ang publiko na mag-ingat pa rin sa lahat ng mga produk­tong gatas na walang pa­nanda o galing sa China at hindi lang ang gawa ng Mengniu (Mengniu Dairy Co) at Yili (Inner Mongolia Yili Industrial Group) na nakumpirmang may sang­kap na kemikal na mela­mine ang mga gatas.

Nauna nang inalerto ni Echiverri ang Caloocan Health Department (CHD) sakaling may kaso ng sang­gol na nagkasakit sa kidney sanhi ng kontamina­dong gatas mula sa China. (Lordeth Bonilla)