'Firing Squad Style' vs suspect bawal na

Bilang pagrespeto sa karapatang pantao, ipa­tutupad ng bagong upong si PNP Chief Deputy Director General Verzosa ang mahigpit na pagba­bawal sa mga naarestong pinaghihi­ nalaang kriminal sa media­men.

Sinabi ni Verzosa na magpapalabas siya ng Memorandum sa lahat ng himpilan ng pulisya sa buong bansa na nagba­bawal sa aktuwal na pag­pri­prisinta ng binansagan nitong istilo ng ‘firing squad’ sa mga maares­tong suspect.

“We have tested that actually. We will make it defined, the firing squad style of presenting suspect,“ ani Verzosa bilang pagtalima sa panawagan ni Commission on Human Rights (CHR) Chairperson Leila de Lima.

Nilinaw naman ng ba­gong PNP Chief na tanging pahihintulutan lamang nila ay ang pagkuha ng video sa normal na operasyon ng pulisya kung saan ang mga larawan na nakunan ng mga kanilang mga opera­tiba ay maari na­mang ipro­dyus ng Public Information Office ng bawat PNP units na hindi na kailangan pang ak­tuwal na iparada sa me­diamen ang mga ina­res­tong pinaghihinalaang kri­minal at terorista.

Nangako rin si Ver­zosa na igagalang ang karapa­tang pantao ng mga na­arestong pinag­hihinalaang kriminal dahil naiintindihan naman ng PNP na hindi pa ang mga ito ‘convict‘ sa mga kri­men na ipinapa­ratang laban sa mga ito.

“It’s no good to pre­sent the suspect, their destroying the dignity of the person even though there’s no conviction yet,” pahayag ni de Lima na iginiit pang hindi rin ma­gandang eksena ang komprontasyon sa pagi­tan ng suspect at ng biktima sa mga himpilan ng pulisya kung saan may mga pag­ka­kataong nag­kakaroon pa ng sampalan atbp. (Joy Cantos)