Dapat maglabas ng sariling pera ang mga nagnanais na mapatalsik sa puwesto si Pampanga Governor Ed Panlilio kung gusto nilang maisulong ang recall election laban dito.
Ito ang ipinahiwatig kahapon ni Commission on Elections Chairman Jose Melo na nagpaliwanag na walang sapat na pondo ang kanyang tanggapan para sa pagdaraos ng recall election.
Ayon kay, Melo P5 milyon lang ang nakalaang pondo ng Comelec para sa anumang recall elections bawat taon at maliit ito para maaksyunan ang anumang petisyon para rito.
Pinayuhan niya ang mga nagsusulong ng recall election laban kay Panlilio na humingi ng tulong sa Malakanyang para sa pagpapalabas ng dagdag na pondong maaaring gamitin sa recall election. (Ludy Bermudo)