Combat pay ng sundalo giit itaas

Tinalakay na ng Se­nate committees on na­tional defense and secu­rity at finance ang panu­kalang batas na naglala­yong itaas ng 25 porsi­yento ang combat pay ng mga sundalo na nagka­roon ng pinakahuling in­crease 23 taon na ang nakakaraan.

Nagtataka si Sen. Ro­dolfo Biazon kung bakit nananatili sa P240 ang combat pay ng mga sun­dalo gayong ang sea   duty pay ng Navy person­nel ay 25% na ng kani­-lang base pay at ang  flying pay ng Air Force  per­sonnel ay 50% ng   kanilang base pay.

Ayon kay Biazon, ang mga sundalo ang kalimi­tang napapalaban sa   mga bandidong kalaban ng gobyerno, pero napa­kaliit ng combat pay na ka­ni­lang natatanggap.

Ipinaalala ni Biazon na noong unang idaos ang public hearing para sa panukalang pagtataas ng combat pay noong naka­ra­ang taon, wala kahit isang opisyal mula sa    De­partment of National De­fense ang dumating    sa halip ay isang sulat  ang ipinadala sa komite upang hilingin ang pag­pa­pali­ban ng hearing  da­hil ku­kunsultahin pa uma­no ang “Commander in Chief”.

Anim na araw mata-pos ang first hearing, ipinala­bas ng Pangulo  ang Exe­cutive Order No. 658 na nag-uutos ng  “com­­bat incentive pay”    na P150.00 per day, mali­ban pa sa P240 per  month na combat pay duty.

Naniniwala sina Bia­zon at ang mga senador na nagsusulong ng panu­kala na hindi pa rin sapat ang tinatanggap na com­bat pay ng mga sundalo kaya dapat makapagpa­-sa ng batas upang tu­ma-as ito ng 25 porsiyento. (Malou Escudero)