Pinoy tipid na rin sa pagkain

Maraming bilang ng mga Pinoy ngayon ang nagtitipid o nagbawas sa konsumong pagkain dahil sa sobrang hirap ng bu­hay, kawalan ng matinong tra­ baho at pagtaas sa presyo ng mga bilihin.

Sa latest results ng Pulse Asia survey na isina­gawa noong July 1-14, dalawa sa tatlong Pinoy o 66 porsiyento ng mama­mayan sa buong bansa ang nagtapyas ng kanilang budget sa pag­kain.

Sa datos ng National Statistics Office (NSO), naitala na mula noong Hulyo hanggang sa ka­salukuyan ay ito na ang pinakamalaking pagtaas ng presyo ng bilihin sa loob ng 17 taon.

Mula 2.6 percent noong Hulyo 2007, pu­malo na rin ang inflation rate sa 12.2 porsiyento ngayon, habang puma­palo naman sa 19 por­siyento ang itinaas nito simula noong buwan ng Hulyo 2008.

Ayon kay Pulse Asia Executive Dir. Dr. Ana Maria Tabunda, luma­la­bas din sa isinagawa nilang survey nitong Hulyo 2008 na bu­kod sa pagkain ay nagtipid din sa load, transportasyon, edukasyon, kuryente, tubig at pagpapagamot ang maraming bilang ng Pinoy.  (Rose Tamayo-Tesoro)