Palasyo umalma sa pambabastos sa Pangulo

Iginiit kahapon ng Malacanang na malaya ang sinuman na batikusin si Pangulong Gloria Ma­capagal-Arroyo subalit huwag naman babastu­sin dahil ito ang lider ng bansa.

Sinabi ni Deputy Pre­sidential Spokesperson Lorelei Fajardo na wa­lang nagbabawal sa sinuman na batikusin ang Pangulong Arroyo lalo na mula sa kanyang mga kritiko subalit panatiliin din naman ang respeto sa kanya bilang chief executive ng bansa.

Wika pa ni Fajardo, batid nila na maraming grupo ang nagsagawa ng kilos-protesta sa ikawa­long State of the Nation Address ng Pangulo.

Idinagdag pa ni Fa­jardo na mayroong ta­yong kalayaan sa pama­mahayag at pagsasalita subalit hindi ito armas upang pagsalitaan at murahin ang Pangulo kaya dapat manatili din ang respeto sa kanyang posisyon bilang lider ng bansa. (Rudy Andal)